(អាម៉េរិក)៖ ក្រុមហ៊ុន Google បានសហការជាមួយនឹង ក្រុមហ៊ុនផ្ដល់សេវាកម្ម Wireless ធំៗមួយចំនួន នៅសហរដ្ឋអាមេរិក ដើម្បីតំឡើងសេវាកម្មទូទាត់សាច់ប្រាក់តាមរយៈប្រព័ន្ធអេឡិចត្រូនិកនៅលើទូរស័ព្ទដៃ ដើម្បីប្រជែងជាមួយនឹងសេវាកម្ម Apple Pay របស់ក្រុមហ៊ុន Apple នេះបើយោងតាមការចុះផ្សាយរបស់ Reuters នៅថ្ងៃទី២៤ ខែកុម្ភៈ ឆ្នាំ២០១៥។
ក្រុមហ៊ុន Wireless ធំៗនោះ រួមមាន AT&T Mobility, T-Mobile USA និង Verizon Wireless ដោយនឹងភ្ជាប់ជាមួយកម្មវិធី Google Wallet ដែលត្រូវបានបញ្ជូលទៅជាមួយប្រព័ន្ធដំណើរការ Android សម្រាប់ធ្វើការទូទាត់សាច់ប្រាក់តាមទូរស័ព្ទដៃ។
គួរបញ្ជាក់ផងដែរថា Google បានបង្កើតសេវាកម្មទូទាត់សាច់ប្រាក់ Google Wallet កាលពីឆ្នាំ ២០១១ ប៉ុន្តែសេវាកម្មនេះ មិនបានដំណើរការល្អនោះទេ ប៉ុន្តែចាប់តាំងពី Apple Pay ចេញមក Google បានយក Google Wallet មកប្រើវិញ និងបានទិញក្រុមហ៊ុន Softcard ដើម្បីជួយឲ្យការប្រតិបត្តិការទូទាត់សាច់ប្រាក់តាម Wireless មានភាពងាយស្រួល៕
Fresh News
No comments:
Post a Comment