ពួក ISIS ក្នុងប្រទេសលីប៊ី បានបញ្ចេញរូបភាពពួកសកម្មប្រយុទ្ធប្រដាប់អាវុធនេះកំពុងដុតឧបករណ៍តន្ត្រី ខណៈក្រុមជ្រុលនិយមនេះបន្តការវាយលុកផ្នែកឃោសនាការរបស់ខ្លួនក្នុងប្រទេសនៅអាហ្វ្រិកខាងជើងមួយនេះ។ នេះបើយោងតាមវេបសាយដេលីមែលកាលពីថ្ងៃទី ១៨ ខែកុម្ភៈ។
រូបភាពនៃពួកសកម្មប្រយុទ្ធពាក់ម៉ាសមុខប្រដាប់អាវុធយ៉ាងសម្បើម ដែលកំពុងឈរមើលខណៈគំនរស្គរត្រូវបានដុតចោលក្នុងវាលខ្សាច់ប្រទេសលីប៊ីនោះ ត្រូវបានចេញផ្សាយកាលពីព្រឹកថ្ងៃពុធ ដែលតាមការអះអាងគឺចេញដោយ "បណ្តាញផ្សព្វផ្សាយ" របស់ក្រុម IS ក្នុងស្រុក។
គេបានដឹងថា ឧបករណ៍តន្ត្រីចម្រុះពណ៌ភ្លឺចែងចាំងទាំងនេះត្រូវបានរឹបអូសដោយប៉ូលិសសាសនាទាំងនេះ (ពួកសកម្មប្រយុទ្ធ) និងត្រូវបានបំផ្លាញនៅក្បែរទីក្រុងកំពង់ផែ Derna នៅខាងកើតលីប៊ី។
សារមួយដែលចេញផ្សាយជាមួយនឹងរូបភាពទាំងនេះបានបកស្រាយថា "Hesbah បានរឹបអូសឧបករណ៍តន្ត្រីមិនមែនមូស្លីមទាំងនេះនៅក្នុងរដ្ឋ Warqa (យើងហៅវាថាទីក្រុង Derna)។ សារនេះបន្ថែមថា ឧបករណ៍ទាំងនេះ "ត្រូវបានដុតអនុឡោមទៅតាមច្បាប់អ៊ីស្លាម"៕
CEN
ថ្ងៃទី 19 កុម្ភៈ 2015, 09:57:AM
No comments:
Post a Comment