ដោយ: ដាវុធ
សេអ៊ូល: គិតត្រឹមខែឧសភា ឆ្នាំ២០១៦ ពលករកម្ពុជា កំពុងបម្រើការនៅប្រទេសកូរ៉េខាងត្បូងចំនួនជាង ៤៦.០០០នាក់ ហើយបាននាំយករូបបិយប័ណ្ណត្រឡប់ទៅកម្ពុជាវិញ ប្រមាណជាង ៥០០លានដុល្លារក្នុងមួយឆ្នាំ។
បើតាមផេកហ្វេសប៊ុកផ្លូវការរបឋ់លោកឡុងឌីម៉ង់ បានឲ្យដឹងថានៅព្រឹកថ្ងៃទី២៦ ខែ សីហា ឆ្នាំ២០១៦ នេះ លោក ឡុង ឌីម៉ង់ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានអញ្ជើញជាវាគ្មិនកិត្តិយសក្នុងកម្មវិធីពិភាក្សាតុមូល ជាមួយឯកអគ្គរដ្ឋទូតនៃបណ្ដាប្រទេសក្នុងអាស៊ាន នៅសាធារណកូរ៉េស្ដីពី ទំនាក់ទំនងការទូត ការផ្លាស់ប្ដូរដំណើរទស្សនកិច្ចផ្លូវការ ការផ្លាស់ប្ដូរពាណិជ្ជកម្ម ភ្ញៀវទេសចរ និងកិច្ចសហ
ប្រតិបត្តិការក្នុងការបញ្ចូន-ទទួល ពលករ មកធ្វើការនៅសាធារណរដ្ឋកូរ៉េ។
លោកបានបន្តថាសម្រាប់កម្ពុជាពាក់ព័ន្ធនឹងវិស័យការងារគិតត្រឹមខែឧសភា ឆ្នាំ២០១៦ ពលករកម្ពុជាដែលបាននឹងកំពុងបម្រើការនៅសាធារណរដ្ឋកូរ៉េមានចំនួន ប្រហែល ៤៦.០០០នាក់ ហើយបាននាំយករូបបិយប័ណ្ណត្រឡប់ទៅកម្ពុជាវិញប្រមាណជាង ៥០០លានដុល្លាអាមេរិកក្នុងមួយឆ្នាំ តាមរយៈប្រាក់ឈ្នួល។
ពាក់ព័ន្ធនឹងពាណិជ្ជកម្មទ្វេភាគីគិតត្រឹម ៧ខែចុងក្រោយនេះ កម្ពុជាបាននាំទំនិញទៅសាធារណរដ្ឋកូរ៉េមានទំហំទឹកប្រាក់ ១១៦,១០ លានដុល្លាអាមេរិក ហើយសាធារណ រដ្ឋកូរ៉េបាននាំទំនិញមកកម្ពុជាក្នុងទំហំទឹកប្រាក់ ២៩០,៩៧ លានដុល្លាអាមេរិក។
លោកទូត បានមានប្រសាសន៍បន្ថែមថា ចំពោះវិស័យទេសចរណ៍វិញ ក្នុងឆ្នាំ២០១៥ កម្ពុជាទទួលបានភ្ញៀវទេសចរពីសាធារណរដ្ឋកូរ៉េ ចំនួន ៣៩៥.២៥៩ នាក់ គឺស្ថិតក្នុងចំណាត់ថ្នាក់លេខបួន បន្ទាប់ពី វៀតណាម ចិន និងឡាវ ជាមួយនឹងជើងហោះហើរត្រង់មកកម្ពុជា(ភ្នំពេញ និងសៀមរាប) ចំនួន ៣៥ជើងក្នុងមួយសប្ដាហ៍៕
No comments:
Post a Comment