ភ្នំពេញ: ដើម្បីចូលរួមចំណែកក្នុងវិស័យអប់រំនៅកម្ពុជា និងដើម្បីលើកទឹកចិត្ដដល់សិស្សពូកែ សាកលវិទ្យាល័យអាមេរិកាំងភ្នំពេញ (AUPP) បានប្រកាសនៅថ្ងៃសៅរ៍ទី១០ ខែកញ្ញានេះថា AUPP នឹងផ្តល់អាហាររូបករណ៍ដល់សិស្សឆ្នើមទាំងអស់ដែលទទួលបាននិទ្ទេស A និង B ។
នៅក្នុងសេចក្តីប្រកាសព័ត៌មានរបស់ AUPP បានឲ្យដឹងថា សិស្សដែលទទួលបាននិទ្ទេស A នឹងទទួលបានអាហាររូបករណ៍ដែលមានតម្លៃ ៤៥០០ដុល្លារ (បួនពាន់ប្រាំរយដុល្លារ) ក្នុងមួយឆ្នាំសិក្សា រហូតដល់ចប់ថ្នាក់បរិញ្ញាបត្របូនឆ្នាំ។ ដោយឡែកសិស្សដែលទទួលបាននិទ្ទេស B នឹងទទួលបានអាហាររូបករណ៍ដែលមានតម្លៃ ៣០០០ដុល្លារ (បីពាន់ប្រាំរយដុល្លារ) រហូតដល់ចប់ថ្នាក់បរិញ្ញាបត្រដូចគ្នា ។
ការផ្តល់អាហាររូបករណ៍នេះ គឺជាការលើកទឹកចិត្តយ៉ាងខ្លាំងទៅ ដល់សិស្សានុសិស្ស ដើម្បីផ្តល់ឱកាសឱ្យពួកគេ ទទួលបាននូវការអប់រំប្រកបដោយគុណភាព ហើយសញ្ញាបត្រត្រូវបានទទួលស្គាល់ ជាសាកល។
AUPP ត្រូវបានគេទទួលស្គាល់ថាជាគ្រឹះស្ថានឧត្តមសិក្សាលេចធ្លោជាងគេនៅកម្ពុជា ទាំងគុណភាព និងស្តង់ដារ អន្តរជាតិ។ រហូតដល់ពេលនេះ AUPP បានចុះកិច្ចព្រម ព្រៀងជាមួយសាកលវិទ្យាល័យធំៗចំនួនពីរនៅសហរដ្ឋអាមេរិក សម្រាប់ការផ្តល់កម្មវិធីសិក្សាសញ្ញាបត្រពីរ (Dual Degrees) ។ សញ្ញាបត្រមួយចេញដោយ AUPP និងមួយទៀតចេញដោយសាកលវិទ្យាល័យអារីហ្សូណា (University of Arizona) ឬសាកលវិទ្យាល័យរដ្ឋហ្វតហេយ (Fort Hays State University) បន្ទាប់ពីបញ្ចប់ការសិក្សាដោយជោគជ័យនៅ AUPP។
សម្រាប់ព័ត៌មានលម្អិត ចំពោះការផ្តល់អាហាររូបករណ៍នេះ សូមទំនាក់ទំនងមកកាន់ទូរសព្ទលេខ ០២៣ ៩៩០ ០២៣/ ០១២ ២៦៦ ៦៣១/ ០១២ ៨៩៨ ១២៤ ឬចូលទៅកាន់គេហទំព័រ www.aupp.edu.kh៕
No comments:
Post a Comment