លោក ហ៊ៅ លីម ជាគ្រូបង្រៀនបម្រើការងារនៅការរិយាល័យអប់រំយុវជន និងកីឡា ស្រុកឆ្លូង ខេត្ដក្រចេះ និងអ្នកស្រី ទី សុខារីជាប្រជាពលរដ្ឋ បានដាក់ពាក្យបណ្ដឹងទៅប្រធានអង្គភាពប្រឆាំងអំពើពុករលួយ(ACU)លោក ឱម យ៉ិនទៀង កាលពីថ្ងៃទី១៨ ខែកុម្ភៈ ឆ្នាំ២០១៥ ប្ដឹងអាជ្ញាធរ ភូមិ ឃុំ ក្រឡាបញ្ជី និងចៅក្រម ពីបទឃុបឃិតប្រព្រឹត្ដិអំពើពុករលួយជាប្រព័ន្ធដើម្បីរំលោភយកដី និងផ្ទះពលរដ្ឋតាមរយៈសាលក្រមរបស់តុលាការ ។
នៅក្នុងពាក្យបណ្ដឹងដដែរបន្ដថា ពាក្យបណ្ដឹងបានប្ដឹងលោក កេត សុជាតិ ចៅក្រម លោក ផាន់ បញ្ញា ក្រលាបញ្ជីសាលាដំបូងខេត្ដក្រចេះ លោក ទិត្យ ឌីម៉ង់ មេឃុំហាន់ជ័យ ស្រុកឆ្លូង លោក លឹម ដារាមាណី អតីតមន្ដ្រីក្រសួងសុខាភិបាល និងលោក ប៊ុត កែវកុលរក្ខណ៍ ជាមេធាវី ។
នៅក្នុងពាក្យបណ្ដឹងឲ្យដឹងទៀតថា បានប្ដឹងលោក ទិត្យ ឌីម៉ង់ មេឃុំហាន់ជ័យ ពីបទប្រព្រឹត្ដិអំពើពុករលួយ ដោយប្រើប្រាស់អំណាចរំលោភការក្លែងបន្លំ ការកសាងប័ណ្ណដោយបំពានយកមកប្រើប្រាស់ជាភស្ដុតាងបញ្ជាក់ដើម្បីដកហួតអចលនទ្រព្យរបស់ប្រជាពលរដ្ឋ។ លោក កេត សុជាតិ ជាចៅក្រមសាលាដំបូងខេត្ដក្រចេះ និងលោក ផាន់ បញ្ញា ជាក្រឡាបញ្ជីប្តឹងពីបទប្រព្រឹត្ដអំពើពុករលួយដោយប្រព្រឹត្ដិល្មើសច្បាប់ ការសរសេរក្លែងចម្លើយសាក្សីនៅក្នុងសាលក្រម ការប្រកាសសាលក្រមខុសពីសាលក្រម និងបានសរសេរបំភ្លៃការពិត ៕
VOD
ដោយ៖ ឡេង ចាន់រតនា | ថ្ងៃសៅរ៍ ទី21 កុម្ភៈ 2015
No comments:
Post a Comment