 |
| មេដឹកនាំកូរ៉េខាងជើងលោក គីម ជុងអ៊ុន (រូបភាពពី www.ibtimes.co.in) |
ការថ្លែងបញ្ជាក់របស់រដ្ឋាភិបាលក្រុងព្យុងយ៉ាង បានធ្វើឡើងឆ្លើយតបទៅនឹងអគ្គលេខាធិការអង្គការសហប្រជាជាតិ បាន គីមូន ដែលបានទទូចឲ្យក្រុមប្រឹក្សាសន្តិសុខ របស់អង្គការពិភពលោកនេះពិចារណានាំរបបដឹកនាំកូរ៉េខាងជើង ទៅកាន់ICC បន្ទាប់ពីសន្និបាតរបស់អង្គការសហប្រជាជាតិ កាលពីខែធ្នូឆ្នាំ២០១៤ ថ្កោលទោសក្រុងព្យុងយ៉ាងពីបទរំលោភសិទ្ធិមនុស្សយ៉ាងធ្ងន់ធ្ងរ។
លោកចាង អ៊ីហ៊ុន អគ្គរដ្ឋទូតកូរ៉េខាងជើងប្រចាំអង្គការសហប្រជាជាតិបានថ្លែងនៅឯសន្និសីទសារព័ត៌មាននាក្រុងញូយ៉ក កាលពីថ្ងៃចន្ទម្សិលមិញថា ក្រុងព្យុងយ៉ាងមិនមានការព្រួយបារម្ភ ចំពោះសេចក្ដីសម្រេចណាមួយ ដែលចង់នាំមេដឹកនាំទីក្រុងព្យុងយ៉ាងទៅកាន់ICC ព្រោះថា ការចោទប្រកាន់ទាំងនោះ មិនមានមូលដ្ឋានច្បាស់លាស់ឡើយ។
ទីក្រុងព្យុងយ៉ាង មានជំនឿដូចនេះ ត្រូវបានអ្នកវិភាគមើលឃើញថា ដោយសារតែប្រទេសចិន និងប្រទេសរុស្ស៊ី អាចបោះឆ្នោតជំទាស់នៅឯកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ ហើយដែលធ្វើឲ្យលទ្ធភាពនៃការនាំមេដឹកនាំទាំងនោះទៅកាន់ ICC បរាជ័យ។ ប៉ុន្តែអ្នកសង្កេតការខ្លះ មើលឃើញថា នៅមានច្រកមួយទៀត ដែលអាចនាំមេដឹកនាំក្រុងព្យុងយ៉ាងទៅកាន់ ICC តាមរយៈមហាសន្និបាតវិសាមញ្ញរបស់អង្គការសហប្រជាជាតិ ដោយត្រូវផ្អែកលើសំឡេង២/៣ នៃសមាជិកអង្គការសហប្រជាជាតិទាំង១៩៣ប្រទេស៕
VOD
ប្រែសម្រួលដោយ៖ នួន បូរិន | ថ្ងៃអង្គារ ទី17 កុម្ភៈ 2015
No comments:
Post a Comment