ដោយ: LookingTODAY
តារាសម្ដែងជើងចាស់ ស្វែង សុជាតា ប្រាប់ថា នឹកស្មានមិនដល់ពីជីវិតនាងសព្វថ្ងៃ ដែលត្រឡប់មកភាពប្រសើរឡើងវិញបែបនេះ ក្រោយធ្លាក់ដល់ចំណុចសូន្យកាលប្រមាណ២ឆ្នាំមុន។
តារាស្រីរូបនេះបន្តឲ្យដឹងទៀតថា ឥឡូវនេះ នាងមិនទាន់មានគេហដ្ឋានខ្លួនឯងផ្ទាល់នៅឡើយទេ រាល់ថ្ងៃនៅផ្ទះជួល ព្រមទាំងប្រកបរបរលក់ថ្នាំជាមួយគ្នាផងដែរ។ យ៉ាងណាមិញ នាងថាសប្បាយចិត្ត ព្រោះឥឡូវការងារសម្បូរ រីឯការរកស៊ីក៏ដំណើរការធម្មតា។
អតីតម្ចាស់ពានអាណាចក្រតារាខាងលើ ថ្លែង៖ “ឥឡូវ ត្បិតថាបងនៅផ្ទះជួលតែបងអាចរកស៊ីជាមួយគ្នាបាន ហើយបងមានឡានសមរម្យមួយ មានរបស់របរដែលបងចង់បាន មានរបស់ហូបចុកគ្រប់គ្រាន់តាមដែលបងចង់។បន្ទាប់ពីជីវិតធ្លាក់ចុះខ្លាំង…ផ្លូវមួយដែលមានបន្លា ផ្លូវដែលមានឧបសគ្គ តែក្រោយពីផ្លូវដែលខ្ញុំត្រឡប់មកពីភាពដំបៅនោះវិញ បើសិនជាខ្ញុំដើរទៅដដែលៗ ខ្ញុំខ្លួន ឯងត្រូវបានដៀលថាជាមនុស្សល្ងង់។ ជីវិតដូចជាការឡើងចុះចឹង អ្វីដែលសំខាន់យើងត្រូវចេះ លើកទឹកចិត្តខ្លួនឯង”។
តួស្រីក្នុងរឿង “មរណៈមាតា” រៀបរាប់រឿងក្នុងចិត្តថា ពេលខ្លះនាងមិនមានអារម្មណ៍ថាសោកស្ដាយពេលដែលនាងស្លាប់ ប៉ុន្តែនាងស្តាយបើសិនមិនបានធ្វើអ្វីមួយដើម្បីកូនៗនាង ៖ “ពេលខ្លះខ្ញុំអត់មានអារម្មណ៍ថាសោកស្ដាយពេលខ្ញុំស្លាប់ទៅ ប៉ុន្តែខ្ញុំស្ដាយថាខ្ញុំបានធ្វើអ្វីរួចហើយនៅដើម្បីកូនៗខ្ញុំ ឬបានចិញ្ចឹមកុមារកំព្រាណាមួយផង ចឹងខ្ញុំចង់ឲ្យកូនខ្ញុំកំព្រាទាំង៣នាក់ទៀតមែន”៕
No comments:
Post a Comment