និពន្ធដោយ: ថ្មីៗ
ភ្នំពេញ៖ រដ្ឋាភិបាលជប៉ុន នឹងផ្ដល់ជំនួយជាង៨លានដុល្លារ ដល់រដ្ឋាភិបាលកម្ពុជា សម្រាប់គម្រោងពង្រីកបណ្ដាញចែកចាយអគ្គិសនី ក្នុងរបៀងសេដ្ឋកិច្ចភាគខាងត្បូង។ ហិរញ្ញប្បទានឥតសំណងនេះ ត្រូវបានបន្តផ្ដល់ជូនរដ្ឋាភិបាលកម្ពុជា ដោយរដ្ឋាភិបាលជប៉ុន ដើម្បីបញ្ជាក់ពីការពង្រឹងទំនាក់ទំនងកិច្ចសហការជិតស្និទ្ធរវាងប្រទេសទាំងពីរ។
បើតាមសេចក្ដីជូនដំណឹងរបស់ក្រសួងការបរទេសកម្ពុជា លោក ប្រាក់ សុខុន រដ្ឋមន្ត្រីក្រសួងបរទេស និងសហប្រតិបត្តិការអន្តរជាតិ និងឯកអគ្គរដ្ឋទូតជប៉ុនប្រចាំកម្ពុជាលោក យូជី គូម៉ា ម៉ារូ (Yuji KUMAMARU) នឹងចុះហត្ថលេខាលើលិខិតប្ដូរសារ និងកំណត់ហេតុនៃការពិភាក្សា ស្តីពីការផ្ដល់ហិរញ្ញប្បទានឥតសំណង ដែលមានទឹកប្រាក់សរុប ៨៩៣ លានយេនជប៉ុន (ជាង៨លានដុល្លារអាមេរិក) សម្រាប់គម្រោងពង្រីកបណ្ដាញចែកចាយអគ្គិសនី ក្នុងរបៀងសេដ្ឋកិច្ចភាគខាងត្បូងនេះ៕
No comments:
Post a Comment