 |
| សន្និសីទសារព័ត៌មាន នៅខេត្ដសៀមរាប នារសៀលថ្ងៃទី១៩ខែកុម្ភៈ (រូបភាព៖ បូ សាវី) |
នាយកប្រតិបត្ដិ សហគ្រាសហ្វាពន្លឺសិល្បៈកម្ពុជា លោក ហួត តារា លើកឡើងក្នុងសន្និសីទសារព័ត៌មាន នៅខេត្ដសៀមរាប នារសៀលថ្ងៃទី១៩ខែកុម្ភៈនេះថា អតីតសមាគមហ្វាពន្លឺសិល្បៈ មានសិស្សជាងមួយពាន់នាក់ មកសិក្សានៅសមាគមនេះ ដែលភាគច្រើនជាយុវជនក្រីក្រ និងកុមារកំព្រា ហើយពួកគេបានក្លាយជាអ្នកសិល្បៈករអាជីព។ លោកបន្ដថា ការទទួលយកប្រាក់ឧបត្ថម្ភនេះ ក្នុងគោលបំណងផ្សព្វផ្សាយ នូវការសម្ដែងទៅដល់អ្នកទស្សនា នៅទូទាំងប្រទេសកម្ពុជា ឲ្យជ្រួតជ្រាបអំពីសិល្បៈ និងវប្បធម៌ខ្មែរ និងជួយឲ្យក្រុមសិល្បករ បន្ដសកម្មភាពសិល្បៈនៅក្នុងសង្គមផងដែរ។
ប្រធានក្រុមហ៊ុន ធនាគារ ANZ Royal លោក Grant Knuckey មានប្រសាសន៍ថា ការឧបត្ថម្ភដល់សហគ្រាសហ្វាពន្លឺសិល្បៈកម្ពុជានេះ ដោយមើលឃើញថា សហគ្រាសនេះ បានសម្ដែងសិល្បៈសៀកដ៏រស់រវើក ដល់ភ្ញៀវទេសចរជាតិ និងអន្ដរជាតិ នៅជុំវិញពិភពលោក ជាពិសេសសកម្មភាពអប់រំ និងបង្រៀនដល់យុវជន និងកុមារកំព្រាកម្ពុជា ដើម្បីឲ្យពួកគេមានអនាគត។ លោកបញ្ជាក់ថា ANZ Royal និងសហគ្រាសហ្វាពន្លឹសិល្បៈកម្ពុជា នឹងអាចសហការគ្នាជួយដល់សង្គមបានល្អ។
យោងតាមសេចក្ដីប្រកាសព័ត៌មាន របស់សហគ្រាសហ្វាពន្លឹសិល្បៈកម្ពុជា ឲ្យដឹងថា សហគ្រាសនេះ បានបណ្ដុះបណ្ដាលសិស្ស ១២០០នាក់ ឲ្យក្លាយជាសិល្បៈករល្ខោនសៀករហ័សសកម្មអាជីព រយៈពេល២០ឆ្នាំមកហើយ៕
VOD
ដោយ៖ បូ សាវី | ថ្ងៃព្រហស្បតិ៍ ទី19 កុម្ភៈ 2015, 06:13 PM
No comments:
Post a Comment