ប្រធានធិបតីថេនសេនបានប្រគល់អំណាចទាំងស្រុងទៅឲ្យពួកយោធា តាមរយៈក្រឹតច្បាប់របស់លោកដែលដាក់ចុះតំបន់នោះក្រោមច្បាប់អាជ្ញាសឹករយៈពេលបីខែ។ ការវាយប្រយុទ្ធគ្នានៅតំបន់ភាគខាងជើងជាប់ព្រំដែននៃប្រទេសចិន ដែលបានផ្ទុះឡើងរយៈពេលមួយសប្ដាហ៍មកនេះ បានបណ្ដាលឲ្យប្រជាជន រស់នៅតំបន់កូកាង ប្រមាណជា៣ម៉ឺននាក់ បានរត់ភៀសខ្លួនចូលទៅផ្នែកមួយនៃទឹកដីចិន ហើយជនស៊ីវិលរាប់សិបនាក់រងរបួស និងស្លាប់។
អំពើហិង្សាដែលបានប៉ះទង្គិចគ្នានេះ រវាងកងទ័ព និងពួកឧទ្ទាមនៃជនជាតិភាគតិចហានមកពីប្រទេសចិន នៅតំបន់កូកាង ហើយដែលគេស្គាល់ថា កងទ័ពសម្ព័ន្ធភាពប្រជាធិបតេយ្យជាតិមីយ៉ាន់មា ដែលផ្ទុះឡើង ចាប់តាំងពីថ្ងៃ៩ កុម្ភៈ មកនោះ។
យោងតាមសេចក្ដីរាយការណ៍របស់ក្រសួងការពារជាតិភូមា គឺកងទ័ពរដ្ឋាភិបាលជាង៥០នាក់ ត្រូវបានសម្លាប់ និងពួកឧទ្ទាម២៦នាក់បានស្លាប់។
តំបន់កូកាង ជាផ្នែកមួយនៃសហគមន៍ជនជាតិភាគតិចហាន មកពីប្រទេសចិន ដែលពួកគេប្រមាណជាបីម៉ឺននាក់ បានសម្រេចរត់ទៅចូលទឹកដីរបស់ចិនវិញ។ នៅប្រទេសភូមា សង្គ្រាមមិនមែនតែកើតឡើង នៅតំបន់កូកាងមួយនោះទេ គឺជាមួយពួកឧទ្ទាមកាជិន ម៉ុង និងជនជាតិដើមសាន ទៀតផងដែរ៕
VOD
ប្រែសម្រួលដោយ៖ នួន បូរិន | ថ្ងៃពុធ ទី18 កុម្ភៈ 2015
No comments:
Post a Comment