 |
| លោកនាយករដ្ឋមន្រ្តី ហ៊ុន សែន កាលពីកន្លងទៅ |
លោកនាយករដ្ឋមន្រ្តីលើកឡើងថាការដោះលែងអ្នកមានកូន និងអ្នកមានផ្ទៃពោះដែលរស់នៅក្នុងពន្ធនាគារ អាចធ្វើឡើងឲ្យបានមុនចូលឆ្នាំខ្មែរ ក្នុងខែមេសា តែសម្រាប់ស្រ្តីដែលមានផ្ទៃពោះ អាចត្រូវធ្វើឡើងនៅមុនទិវាសិទ្ធិនារី ៨មីនា ខាងមុខនេះ។
ក្នុងពិធីចែកសញ្ញាបត្រដល់និស្សិតសាកលវិទ្យាល័យជាតិគ្រប់គ្រង លោកនាយករដ្ឋមន្រ្តី ហ៊ុន សែន បានថ្លែងថាស្រ្តីមានផ្ទៃពោះដែលមានប្រមាណ៤០នាក់នៅទូទាំងប្រទេស នឹងត្រូវឆ្លងទន្លេក្នុងពន្ធនាគារ តែលោកនឹងស្នើព្រះរាជទោសចំពោះស្រ្តីទាំងនោះមួយចំនួនឲ្យបានមុនថ្ងៃ៨ មីនា សិទ្ធិនារី និងឲ្យបានទាំងអស់នៅមុនថ្ងៃចូលឆ្នាំខ្មែរ។ លោកបន្តថាការស្នើសុំព្រះរាជទានទោសរបស់លោក មិនមែនបំពានច្បាប់នោះទេ តែដោយសារលោកមានអំណាចក្នុងការសុំព្រះរាជទានទោសនេះ។
លោកបញ្ជាក់ថា«សុំឲ្យអស់លោកមួយចំនួន កុំឲ្យថាហ៊ុន សែន បំពានទៀតណា។ មុននិយាយមើលច្បាប់ឲ្យច្បាស់។ ខ្ញុំធ្វើនាយករដ្ឋមន្រ្តីស៊ីអំបិលច្រើនជាងលោកឯងស៊ីបាយ។ ខ្ញុំស្គាល់ច្បាប់តើ។ …យោងតាមច្បាប់ពន្ធនាគារ ឲ្យនាយករដ្ឋមន្រ្តីមានសិទ្ធិសុំព្រះរាជទានទោស ពេលណាក៏បាន។ ខ្ញុំអត់បំពានច្បាប់ទេ»៕
VOD
ដោយ៖ ស៊ុន ណារិន | ថ្ងៃចន្ទ ទី23 កុម្ភៈ 2015
No comments:
Post a Comment